Sa Puso'y Mananatili

Sa Puso'y Mananatili

(TG series XII)

Hindi ang kalawakan ang magiging hadlang

Maging ang malawak na lupain at karagatan

Upang pagbukluring muli ang aming barkadahan

Kahit sa isa’t- isa ay may kalayuan.

Noo’y sulat at telepono ang tanging komunikasyon

Ngayo’y may internet basta't ikaw ay mag log-on

Isang click lang email makakarating agad doon

Salamat ng marami sa teknolohiyang US at Hapon.

Kita nyo naman ngayo’y may web site na

Ang Thursday group na marami ng ala-ala

Pinagpaguran ni Grace kahit pa abala

At marami pa ang dito’y nakipartisipa.

T-G.50megs.com kung nalimutan mo

May information dito kahit ‘di pa kumpleto

Kasama rin dito ilang mga tula ko

Higit sa lahat ang mga litrato nyo.

Thursday group hindi hanggang email na lang

Muli, amin na namang napatunayan

January nagkareunion na naman

Tatlong okasyon noong 2001.

Alas singko ng hapon nagkita kita tayo

Sa likod ng SM doon sa may Mc do.

Pero teka , hindi ba nakakapanibago?

Sa Jollibee lamang nasanay ang grupo.

January 2 iyon kung gustong maalala

Pagkatapos ay sa “Friends” tumuloy ang barkada

Hinintay ang iba dahil may pasok pa

Umalis kami doon mga alas otso na.

Present noo’y ako at si Odette na aking asawa

Mag partners na Doris at William, Jong at Rowena

Mga singles' na sina Dan at Teddy , Percy at Anita

Kasama rin si Kydz,  at si Mac na nag iisa.

Wala si Larry at Enoi at buong pamilya

Si Grace at Jane kasaluyang nasa Canada

Masaya rin kahit may kulang pa

Pero alam naming inggit na inggit sila.

Kami ay tumuloy sa Robinson’s Manila

Ginawa dito’y kumain muna

Pagkatapos kami ay nag Ratsky pa

Umuwi kami alas tres na ng umaga.

January 6 ay birthday party naman

Ng inaanak nyo when she turns one

Bagamat sandali ang aming kasiyahan

Hayaan na natin pambata naman kasi iyan

January 10 naman ang kasal ni Cez at Mac

Masaya ito kahit may konting comedy act

Abay kasi ang dalawa nilang anak

Na ang ibig aya laging pakarga kay Mac.

Tulad ng mga kasalang aming nasaksihan

Aming grupo ang huling umalis na naman

Sa harap ng Max's tuloy pa rin ang kwentuhan

Maya-maya lamang kami ay nasa sasakyan.

Kami ni William sa Makati nagpunta

Mga partners namin ang aming kasama

Ang mga single’s nag si- gimik pa

Sa Mega Mall sila’y magkakasama.

O ngayon anong inyong masasabi

Tatlong okasyon in just eight  days ay nangyari

Kahit malayo, sa puso ay mananatili

Mag iiwan ng ngiti sa aming mga labi.

Based on event

As it happen

Jan. 2 – 10, 2001