Isang pagbabalik tanaw sa kahapon"

Thursday Group
on 10th Year Anniversary

Isang pagbabalik tanaw sa kahapon"

(TG series XI)

Thursday Group sampung taon na

Parang kailan lang kung inyong maaalala;

Biruan ang lahat noong simula pa

Kaya’t marami ang sa ati’y pumula.

Buwan ng Agosto kung matatandaan

Kahit sa gitna ng ating kaabalahan;

Sa pag-aaral na kinakailangan

Araw ng huwebes nasa pasyalan.

Ang Baguio trip na makasaysayan

Sa grupong ating kinabibilangan

Kahalagahan dito napatunayan

Sto. Tomas mountain tanging saksi lamang.

Maraming pangyayari ang makakapagpapa-alala

Panonood ng sine isang halimbawa;

Total Recall, Die Hard, Home Alone idagdag pa

Hindi ba’t noong minsa’y SM nilakad pa?

Sa mga awitin mayroon ding kabilang

Christmas in our Hearts ni Jose Mari Chan;

Saan na nga ba ang barkada? ng APO naman

Kay sarap balikan ng mga nakaraan.

Ang pagmemeryenda pagkatapos ng klase

Sa may popoye o kaya’y pag-istambay sa kalye;

O minsa’y sa Fernandoz o kaya’y Jollibee

At Mc Donalds noong Valentines day.

Sa mga birthday-an na ating pinagsaluhan

Kay Percy naganap ang exclusive lamang;

Ang blow-out ni Grace sa may eskwelahan

At si Larry dela Cruz sa Novaliches naman.

Graduation day ay isang pagsubok

Puso nati’y tumigil sa pagtibok;

Bagamat narating ang rurok ng tagumpay

Nakalulungkot ang paghihiwa-hiwalay.

Ang blow-out ni Wheng sa graduation niya

Birthday ni Kydz at outing na kontrobersyal pa;

Sa review center nagkikita-kita

Maging noong araw ng examination na.

Ang graduation ng mga Octoberian

Nagkita-kita at ‘di nag-uwian;

Ang birthday ni Mac na naging biglaan

At ang araw ng aking paglisan.

Nagbalik ako’t nagkasamang muli

Naging masaya bagamat sandali;

Ang sagradong kasal ni Enoi at Larry

At birthday ni William ‘di pahuhuli.

Tatlong mahahabang taon ang kay tuling nagdaan

Kung iisipin may katagalan na rin naman;

Sinong mag-aakalang nandiyan pa rin ang barkadahan

Pinatibay ng panahon aming samahan.

Taong 1997 sa trabaho’y nagpahinga

Unang ginawa nakipagkita sa iba;

Taong ding ito sa birthday ni William

Pumunta kami kahit magilan-ngilan.

At taong 1998 ako’y nagpakasal

Ang ilan sa kanila’y kinuha ko pang abay;

Dangan nga lang ang iba’y ‘di nasilay

Noong araw na iyon importante sa buhay.

Sa kahilingan ni Mac sa SM ay magkita

Sinulit ang gabi sa kakanta;

Ang kasal nila Grace noong December 20.

Hindi pa ito ang pinakahuli.

Isang biglang pagkikita sumunod na kabanata.

Isang reunion sa may Sta. Mesa;

Mas masaya, kung lahat nandoon sana

Kasama na rin namin aming mga pamilya.

Kasayahan ngayong 2000 ay patuloy pa

Isa na rito ay ang birthday ni Rowena;

Binyagan sa amin, muli nagkita-kita

Ano kaya dito ang susunod pa?

Ngayong nakaraan akin nang naisaad

Gusto bang makilala mga nagsiganap?

Eto na sila’t huwag kukurap

Mula sa puso maraming salamat.

Sina Grace at Daniel unang dalawa

Mac at Arlene, Teddy at Anita

Enoi at Larry, William at Rowena;

Dick at Percy huwag kalimutang isama.

Hanggang kailan? Hinuhusgahan

Ang pagsasamahan ng barkadahan;

Kahit bihira ang pagkikita lamang

Sana’y ‘di magbago ang aming samahan.

Written August 2000

Based on event as it happen